El qual protesto sarà qui sotto posto, potendo averlo. Et par che 'l dimandava da la Signoria ducati 10 milia per dar a li fanti stano dentro, perché l'era quatro mesi non havevano abuto le lhor page. Or stevano su queste pratiche, et tandem fo divulgato come el signor marchese suo padre dovea vegnir in questa terra, et veria el zorno de San Martin, et li fo preparato la sua caxa con razi. Come verà, e l'honor li sarà facto, scriverò poi.
     
      [1497 10 30]A dì 30 octubrio, se intese come, a dì 5 de l'instante, uno corsaro turcho dicto Caracassam, con 3 fuste, havia trovato le 2 caravele, una zaratina, l'altra curzolana, de le qual la curzolana per paura havia urtà in terra, et li homeni scampati, la zaratina fo presa et amazadi 7 homeni. Al presente se atrova haver dicto corsaro 3 fuste et una caravela; la curzolana è afondata. Et questo seguite in Arzipielago, apresso l'isola di Legena.
     
      A Zenoa. In questi zorni, fo terminato per la liga di renovar l'armata et mandarla a Tolon, acciò armada francese non potesse vegnir fuora. Et a questo [812] contribuirà el re de Spagna, el re Fedrico, la Signoria et il ducha de Milano. El numero di l'armada che sarà, scriverò poi.
     
      Et in questo tempo, a Veniexia se steva in gram consultatione per esser a la fine di la trieva. Tandem, per molte vie risonava chome li reali di Spagna havia perlongato la trieva per altri sei mexi. Tandem, di Spagna non si era lettere: pur si stava preparati.
     
      Fiorentini, in questo mexe, procedendo a expedir li retenuti citadini lhoro, quelli bandino per anni 5 a li poderi, et chome ho scripto, privoe di Fiorenza maistro fra Mariano zeneral di heremitani con 8 frati et uno medico, e un Sforza Betini favorito dil ducha di Milam etc.