Et questa relatione dicto capitanio fece nel consejo di pregadi a dì 13 de l'instante, unde la terra have molto a mal. Et fu posto parte che sier Sebastiam Contarini et sier Luca Loredam si dovesseno presentar a le prexon, i qualli fosseno collegiadi etc. et che la disobedientia di sier Zuam Morexini et sier Zusto Guoro, che erano roti, fusse comessa a li avogadori de comun, et che formato el processo contra di loro dovesseno venir con quello al consejo. Et li patroni sopranominati, zoè Contarini et Loredam, si presentono a le prexon. Quello di lhoro seguirà, scriverò. Ancora, fu preso di mandar per Jacomo Loredam soracomito che 'l debbi vegnir a presentarsi a le prexon, et scritto di questo lettere a li rectori nostri di Levante, che dove el si trovasse fusse mandato in questa terra. Et li savii ai ordeni, poiché steteno a veder di recuperar ditte robe fuora zorni venti, non havendo potuto far nulla, ritornono. Et sier Domenego di Prioli volse referir in pregadi, et che le gomane mandate si haveano rotto volendo [831] alzar suso la galia Morexina, et che li marani mandati nulla havea operato, etc. Unde, fo terminato mandar iterum a experimentar con mior usti.
     
      [1497 12 02]A dì 2 ditto, si have lettere di Bertuzi Valier orator nostro al ducha di Savoia. Come el ducha Philiberto era venuto di qua da' monti, e intrato in Turino con cavalli 2000 a pigliar la possession dil duchato di qua da' monti. Et era venuto di qua etiam perché pareva el re di Franza volesse maritarlo in una fia dil ducha di Barbon suo cugnato, licet fusse maridato in una sua cusina, fo fiola del ducha vechio.