Siché el pontifice, con gli altri, stava in gran tribulatione per questo, et haveano gran paura. Quello seguite, più avanti scriverò.
     
      In questa terra, al presente si ritrovava essere uno ferrarese chiamato domino Pellegrim di Prisciani doctor, venuto con lettere credentiale di la comunità di Ferara a questa Signoria nostra, per impetrar, atento la grande penuria che in quella cità era, la trata di stera 10 milia di formento, comprandolo con loro danari. Et tandem, le ge fo concessa; ma poi non fu de bisogno. Niente di meno, stete più di 2 mexi in questa terra. Questo è valentissimo astrologo, et in questa arte molto in Ferrara nominato, et huomo di inzegno.
     
      [1497 12 28]Noto. In pregadi, a dì 28, fo preso mandar 2 galie grosse armade come arsilii, con homini 60 per galia, arbori 10, penoni 10, tavole, gomene de s. 24 el passo, e altre sartie menude a Cigala. Et la Signoria presta ducati 500 per recuperar le merchadantie. Et è da saper, veneno in colegio do marinari di l'arsenal, homeni experti, et si oferseno andarvi, videlicet Nicolò da le Taje et Zuam da Cherso. E cussì [843] fono mandati. Et cussì dicti arsilii fono armati et mandati presto via, come scriverò di soto.
     
     
      Aditione del 1497.
     
      [1497 06 01]A dì 1.° zugno, partì di Venetia don Piero Dolfim zeneral di Camaldole, tolto licentia di la Signoria, per andar al loco suo a Camaldole.
     
      In questo mexe, sier Marco Lipomano orator a Milam scrisse a la Signoria come, hessendo in secreto colloquio con el ducha di le cosse di la liga, sopravene l'orator di Ferara, e volendo parlar su certa materia pertinente a la liga, alhora el Lipomano disse: "Domine orator, vui non sete di la nostra liga; non ve haveti a mesedar qui, e pur, se la excelentia dil ducha comanda che vui stete qui, non porò far di meno di scriver a la Signoria, perché non è conveniente che sapiati i secreti di la liga nostra.