Unde, dicto ducha di Ferara mandoe dicta risolutione et risposta de' fiorentini fata a dì 16 di l'instante a uno suo che tramava per lui in questa terra, chiamato Zuam Antonio di la Pigna, che [857] dovesse presentar a la Signoria et haver la risposta, perché in tutto saria presto operarsi per nostri etc.
     
      Fiorentini, in questo mezo, mandono zente a la ruina di li marchexi Malaspina, lhoro vicini recomandati a la Signoria nostra. Et da 22 ditto fin 28, vene nova chome li haveano tolto uno castello chiamato Girazo dil marchexe Cabriel de Fosdenovo, et erano a campo a uno castello chiamato Aviano dil marchexe Lunardo, et si non era socorso non si poteva tenir. Unde, scrisseno lettere a la Signoria, implorando ajuto. Et fo terminato non abandonarli, et fo scritto a Pisa li mandaseno fanti et alcuni danari acciò si poteseno difender de fiorentini.
     
      [1498 01 28]A dì 28, vene lettere di Zuam Paulo Gradenigo da Pisa, de 17 di l'instante. Come, havendo notifichato che havia fatto cavalchar, zà 2 note et uno zorno, li stratioti su quello de' inimici per corer il paese et meter teror et far danno a' fiorentini, unde, in quella note, havendo visto segnali per li lochi de' inimici de fuogo, pisani compreseno che li dicti stratioti erano stati scoperti, et potevano patir qualche danno chi non li remediava. Et cussì, la matina, a dì 17, avanti zorno, el ditto proveditor et domino Marco da Martinengo governador et capo di le zente nostre de lì, feno metter in hordine tute le zente d'arme et fantarie, et armati andono a l'incontro di dicti stratioti verso Colle Salveto, per unde venivano con la preda.