Primamente. È concordado e asentado, che del far di la presente letera avanti, sia tregua e abstinentia de guerra per mar e per terra entro el ditto re di Franza e sui regni e terre e signoria e subditi e vassalli da una parte, e lo dito re e raina di Spagna e sui regni e terre e signorie e vassalli e subditi de l'altra parte, cussì e in tal maniera che, durante la dita tregua, per mar ni per terra non se possa far guerra de una parte a l'altra, ni l'altra a l'altra, ni se toja citade, ville, ni castelli, ni lochi, per furto, ni per forza, ni per altra maniera, ni se toja navilii de mercadantia, ni altro, ni se faza robason, ni niun altro atto di guerra.
     
      Item, è concordado et asentado, che quando piacerà li ditto re et rayna de Spagna vorà che la ditta tregua sia in cavo e se revocha e non dura più, [867] che in tal caso lo dito re et reina de Spagna lo habia a far a saver e notificar per carta firmada de soa mano al ditto re di Franza o al suo capitanio zeneral o oficial che fusseno en le frontiere de Narbona, et che desdiga. Dal dì che la dita notification sarà fata in avvanti, la dita tregua e abstinentia de guerra dura 2 mexi, comenzando a contar dal dì de la ditta notification avanti. Et compido li ditti doy mesi, la ditta tregua sia expirada e compida, e non dura più. E per el simile, è concordado e asentado, che quando piacerà che el ditto re di Franza vorà che la dita tregua sia finida e se revocha e non dura più, che in tal caso el ditto re di Franza lo habia di far a saver et notificar per carta firmada de soa mano a lo ditto re e rayna de Spagna, o al suo capitanio general o oficiali che fusseno in la frontiera di Perpignan.