In questi giorni, li oratori di Pisa erano in questa terra venuti novamente, rechieseno a la Signoria nostra, pregando volesse fare ogni conato che la cità de Pisa sia in libertà, et che la havesse el suo territorio che fiorentini li ocupava.
     
      Item, che fusse soccorso a le povere persone pisane de biava, per el suo viver per uno anno. Et cussì fo terminato di proveder a dicte povere persone, aciò la gracia di la Signoria nostra fusse uberima per tutto. Et fo scritto a Zustignam Morexini et Zuam Paulo Gradenigo proveditori nostri in Pisa, che doveseno dar tanta biava a cadauno che habino da viver per uno anno senza pagamento; a li altri, che hano il modo di pagar, la ge sia data pagando quello havia costato a la Signoria nostra. Et cussì, la nave di Sebastiam Marcello carga di formenti stera ... fue discargata, et con barche conduti li formenti in Pisa, mediante l'acompagnar facea ditte biave le galie nostre etc.
     
      Questa cità di Pisa, non voglio ristar da scriver, è causa de molte cosse. Perché, comenzando dal [885] pontifice, fa ogni cossa perché fiorentini la rehabino, et ivi li hè uno orator a Roma a questo effecto. El re de' romani continue lo dice. Li regali di Spagna non fanno altro cha musitar che la Signoria vuol signorizarsi di Pisa. El ducha de Milano non trama altro che poner qual cossa acciò si lassi dicta impresa. Siché, da ogni banda questa Pisa è posta per tresso, e niuno vol che nostri l'habino, contro quello che sempre dicti collegati dicevano al principio, a exortatione di li qual nostri introe in questa impresa contra fiorentini per mantegnir Pisa in libertà, et cussì li promesseno di far.