Calagora maistro de caxa ne offerisse 30 milia, el datario 25, el zeneral di frati minori 20, misier Adriano secretario familiare 20, el Taverna 15, et sic de singulis. Non so quello sarà per venitiani basarà el manipolo. Romae, primo martii.
     
      Item, chome intisi, dicti Orsini haveano a la campagna, apresso Valmontone, homeni d'arme 260 et 200 cavali lizieri, et assà fantarie, e uno fiol dil conte di Fondi, el qual conte è inimico di Orsini et di ditto suo fiol. [897] Da mar per ogni via si sentiva che 'l Turcho facea grande armata, et per lettere di Francesco Nani baylo et capitanio a Corfù, per avisi abuti da la Porta, et per via de Ragusi. Et che 'l Turcho avia fato far 30 galie nove et 3 barze grande, una di le qual di botte 3000, et dovea ussir fuora questo anno con potente armata, né si sapeva dove. Chi diceva per Soria per queste diferentie è tra mori con il soldam; chi dice per Rodi. Unde, nostri consultono, et si parlavano di far capitanio zeneral da mar, et armar galie, et metter decime per trovar danari. Tandem, a dì 8 ditto, nel consejo di pregadi, fo preso di armar questo estade, per asegurarse di la fama di l'armada dil Turco che dovea ussir, 14 galie sotil fuora et 6 in questa terra, videlicet 6 in Candia, 2 alla Cania, 2 a Corfù, una a Sibinico, una a Zara, una a Spalato, et una a Trau, et che Nicolò da cha da Pexaro proveditor di l'armada, el qual era in hordine per partirsi, dovesse la notte seguente partirsi con la sua galia, et subito expedir et mandarli driedo sier Marin Barbo soracomito che zà era quasi in hordine, et Polo Nani soracomito.