Have balote di non sinciere 17, di no 608 et di la parte 927. Fo presa, rimasti sier Piero Contarini, sier Gasparo Malipiero e sier Andrea da Pexaro, che fo causa di farla metter, et l'altro consejo sier Zuam Antonio Minio, sier Domenego Bafo et sier Antonio Querini, i qualli tutti introno.
     
      [1498 03 17]A dì 17 ditto, fo brusato nel canal di San Marco per mezo San Zorzi, una marciliana carga di naranze venuta di Fermo di la Marcha, dove si moriva da morbo. Et par che, in questa terra, su ditto navilio morise uno homo, et el patron partite e andò a Chioza, dove etiam morite. Unde per li savii sora la [906] sanità fo fata brusar, et li homeni scampono. Questo feno acciò non se infetase la terra nostra. Erano sopra la sanità Lunardo Marzello, Anzolo Trivixam et Hironimo Bon, i qualli fevano molte provision. Tamen, questa Quaresema fo lassato predicar per le chiesie, perché, gratia Dei, la terra era sanissima di morbo.
     
      [1498 03 17]A dì ditto, fo poste (le galie) nel consejo di pregadi, licet per tempo oltra il consueto, le qual se solevano metter a mezo april fin 15 mazo. Questo feno per dubito di l'armada turchescha. Et messeno 4 galie al viazo di Baruto, et 4 al viazo di Alexandria. Et incantate le galie justa il solito, fo electi capitanii a dì 22 dicto, a Baruto Cabriel Barbarigo, era stato sopracomito, et in Alexandria Piero Lando. Et cussì anderano presto.
     
      [1498 03 18]A dì 18 ditto, nel mazor consejo, fo posto una parte. Atento che sier Polo Foscari era anegato in Fiandra et perso la roba; che a sier Hironimo, sier Vettor, sier Jacomo et sier Alexandro suo' fratelli, li siano dati balestrarie 4 a l'anno per anni ... Et cussì fu presa.