Et apicandolo, ut dicitur el cadete et si rupe un brazo, et poi fo retirato suso, et li capetanii non lassò star niuno sopra la piaza, et non fu sentito un strepito, [919] et molti judicono el ditto morisse in prexon, et poi, perché cussì doveva esser, fusse impichato. Unum est che a questo modo passò le cosse. Et Zuam Battista fo cavato dove era e mandato in Toreselle, et per il consejo di X fo dato provisione a ditto Hironimo Amadi che l'acusoe do fontegarie a San Marco in vita sua, una di le qual vachava, et la prima che vacherà, le qual li poteva et potrà valer ducati ... havendole, et 3 ducati al mexe in vita al ditto Hironimo fin l'arà l'officio.
     
      Item, fu donato a Laura Troylo ducati 25 et haec satis.
     
      Noto. Vidi la corda ligata al collo con 2 gropi senza sacola, e la vesta imbratada da terra a la schena come corpo stato morto sora la terra. Altri hanno opinion fusse strangolato in prexon.
     
      Non voglio restar da scriver, chome questo tradimento, hessendo processo al modo l'hè, el marchese di Mantoa non solum perse la speranza di esser ritornato con la Signoria nostra, ma etiam vene in grandissima disgrazia, adeo tutta questa terra lo haveva in hodio. Et cussì come quando fu casso a qualche uno veniva compassione, cussì al presente tutti lo biasemava. Et il ducha di Ferara era in gratia con li soi fioli, el qual nel principio era in desgrazia nostra: et cussì va le operatione dil mondo, che un salisse e l'altro cade. Et dicto marchese de Mantoa, in questi giorni, al principio di Quaresema, andoe a Ferara dal suocero marchese, dove zorni ... vi stete, et poi, a dì 24 marzo, si partì et ritornoe a Mantoa.