A dì ultimo marzo, vene lettere di Pisa di 23. Come, volendo Zuam Paolo Gradenigo andar in Lunesana ad expedir quella impresa, Zustignam Morexini suo collega non contentò che vi andasse, et cussì quelli pisani e tutti condutieri e gente nostre che in Pisa si ritrovava, imo lo pregoe et exortoe non si dovesse partir di Pisa, né abandonarli, perché restavano, partendosi, in gran pericolo per molti respeti, perché bona parte di l'exercito si haveria disolto per la penuria dil danaro, che a le volte non si poteva cussì haver, et maxime questi ultimi che per via di Lucha con lettere li fo mandati, che ancora non erano stà dati. Siché, hessendo ditto Zuam Paulo lì, provede di danari, o a tuorli imprestedo, o impegnar dil suo, et dà danari a le zente, et provede a li extremi bisogni. Et cussì ditto Zam Paulo, considerato il tutto, terminò restar, et mandoe in loco suo Zuam Diedo condutier di 100 cavalli et patricio nostro con ballestrieri a cavallo n.° ... schiopetieri et altri fanti n.° ... a dicta impresa de Lunesana in favor de li marchexi Malaspina pur contra fiorentini, et si partì di Pisa a dì ... de l'instante.
     
      Item, par che fiorentini haveano, per mal governo lhoro, brusato il bastion di Pontadera per essi custodito, in certo loco et passo. Adeo, fo necessario di farvi bona custodia. Et cussì, per avisi, si have che in dicto loco di Pontadera fiorentini se ingrossavano. Viteleschi tornava a lhoro ajuto et stipendio, etiam el fiol di domino Johanne Bentivoi.
     
      [924] Da Roma. Come el pontifice tramava di far accordo con il cardinal San Piero in Vincula et suo fratello prefeto signor di Sinigaja, et ge voria dar ducati 15 milia, over Cazoaugo in terra di Roma.