Et cussì dicta lettera fo mandata a li oratori la copia, videlicet, Roma, Napoli, Maximiano et Milan, acciò con li collegati si conferissa. Tamen, nostri feno un passo più avanti, che il poi disnar, senza altro consulto, chiamono el consejo di pregadi, et preseno di elezer tre oratori nostri a esso cristianissimo re di Franza con cavalli ... per uno, non potendo esser electi di officii perpetui, ni rezimenti, et questi fono creati per hordine di ballote: Nicolò Michiel doctor et cavalier avogador di comun, Antonio Loredam cavalier et Hironimo Zorzi cavalier, ambidoy stati avogadori di comun, i quali immediate chiamati alla Signoria, tolseno rispeto fino la matina a risponder, et cussì poi aceptono libentissime, licet el Michiel si volesse alquanto excusar, pur per servir la republica fono contenti aceptar tal cargo. Doy di questi, videlicet li 2 ultimi, sono stati oratori altre volte in Franza. E cussì fo electa questa honorevol ambasata, et scrito a Zuan Piero Stella, era in camino per andar dal re di Franza di questo, et cussì ad altri potentati. La qual cossa darà che pensar a molti, dicendo vinitiani si acorderà con Franza si faremo alguna liga in Italia; perhò non bisogna muoversi. Et cussì tutta la terra have gran contento per questa bona nova.
     
      È da saper, per una lettera venuta di Brexa di 7 mazo, vidi questi avisi, videlicet, come el re de Franza, a dì 13 di questo, si dovea ritrovar a Paris, dove dia esser incoronado. Havia auto ubidientia dal ducha di Barbon prima cha de alcuni baroni e da la raina, et che a caso ivi si ritrovò li principal baroni di Bretagna in Ambosa e deteno ubidientia, et che Zuan Jacopo di Triulzi è in Aste, havia notificado a Lucio Malvezo questo, el qual mandò dicte nove con la lettera a Milano.