Et li fo mandato prima danari a Ferara, et scrito a hora questo ancora, che Zuam da la Riva condutier nostro di 100 cavali debi andar a Pisa, el qual, per esser veronese, alozava a Verona.
     
      Item, mandono Piero de Paxe et Hironimo Zenoa capitanio di Rialto a Pisa con ducati 10 milia, sì per pagar le zente et stratioti, qual per far 3000 provisionati, bisognando, lì a Pisa.
     
      In questo zorno, Andrea Trivixam cavalier, ritornato nostro orator d'Ingaltera, el qual, essendo stato quasi un anno, referite la sua legatione in pregadi. Come quel re cognosceva la bona disposition di venitiani, et voleva esser in grande amicitia. Che era stà molto honorato. Era stà mexi 11, zorni 15, havia speso ducati 4500 etc. in tutto, et poi disse molte particularità che piaque a tutti.
     
      Da Milano. Per lettere di Marco Lipomano orator nostro. Come el ducha non conferiva più. Havia fato mostre di le sue zente, et quelle poneva in hordine, e tutto era per caxon di Pisa. Et si lamentò verso l'ambasador come in marema era stà preso uno suo subdito e toltoli 7 cavalle, etc. Conclusive, non si portava bene, et Jacomo Contarini doctor et cavalier orator nostro, veniva di Spagna, zonse a dì ... a Milano, fu ben honorato etc.
     
      Di Monferà, vene avisi di Franza. Come el ducha di Orliens era vero re pacifico; dovea coronarsi questo zugno a Paris, et prima unzersi a Rens di l'ogio di San Remigio sacro. Et sarà a la sua [979] incoronatione cavali 30 milia. Ch'è re justo. Confirmava tutti in li oficii, tamen non volleva niuno havesse più di uno officio.