Al qual, per il principe li fo risposto gajardamente a l'orator, et rebufandolo havesse animo di dir tal cosse el suo signor, havendo abuto tanti beneficii da la illustrissima Signoria nostra. Et dicitur, Filippo Trum savio dil consejo, che non ha molto respeto e dice aperte il suo voler, parlò molto altamente, dicendo che si el suo signor se moveria, ge saria tolto il stado etc. Et poi, disputato la risposta, peroché Marco Lipomano orator nostro scrisse in consonantia di questo, fo per il consejo di pregadi, zà ... zorni scripto al ducha una lettera tanto degna, justificatoria et minatoria, che nihil supra, dimostrando al tutto nostri erano disposti mantenir ditta impresa.
     
      Item, Domenego Pixani dovea, di zorno in zorno, partirsi per andar orator a Milan, et li cavalli erano preparati; et fu terminato non vadi sì presto, et opinion era, volendo star pertinaze el ducha preditto, levar il nostro orator, et far cavalchar il conte di Pitijano sora Ojo, che era a Gedi benissimo in ordine etc. Conclusive, tutti parlava si vegnerà a la guerra con Milano per caxon di Pisa. El qual ducha havea fato la mostra di le zente d'arme soe et datoli danari etc. Or era cai dil consejo di X Troilo Malipiero, Marco Antonio Morexini cavalier, et Bortholamio Victuri, et in questo zorno, a dì 10, da poi [985] consejo, praeter consuetum et zà molti anni non più fato, rimase consejo di X et la zonta, sì de colegio come de altri patricii fuora di colegio. Steteno pocho; è da judichar risposeno a qualche lettera.