Et Marco Lipomano orator nostro dia vegnir col ducha de Milano, perché cussì el ducha lo havia invidato.
     
      [990] Da Pisa. Le cosse non andavano molto bene per la gran discordia era fra quelli capi, maxime tra il proveditor Thomà Zen et il governator di le zente Marco da Martinengo. Peroché si disseno villania, et dito Marco scrisse a la Signoria lamentandosi, et dimandava licentia, et cussì Gorlino, di partirse. Adeo, Pisa steva mal per queste discordie, et fiorentini in questo mezo si ingrossavano. Unde, nostri a dì 16 zugno, consultato la materia inter patres, li parse di meter una parte di elezer el primo pregadi uno altro proveditor in Pisa per mexi 4, con salario di ducati 600 per spexe, con li modi etc.
     
      [1498 06 18]A dì 18 zugno, vene lettere di Pisa di 13, et di 12 di Domenego Malipiero proveditor di l'armada, date a le Foze di Pisa, il sumario di le qual lettere dil Malipiero è questo. Prima era stà amalato di una passion colericha hessendo a Portovenere, unde, per ristaurarsi la sua sanità et haver medico, andoe a le Speze dove si rehavè. Et ivi li vene lettere dil proveditor nostro di Pisa et di pisani, pregandolo volesse venir verso Pisa, perché haveano cosse da consultar che importava. Cussì si partì, et vene a Portovenere con le 4 galie havia con lui, dove trovò le fuste de' pisani che lo exortoe nomine pisanorum, a venir in la Foze. Et cussì, a dì 11 vene da sera, et a dì 12 la matina lo vene a trovar el proveditor Zen con tre signori pisani, et andono in pizuol, dove si lamentono molto, sì el proveditor come quelli pisani, di Marcho da Martinengo, dando la colpa a lui non sia seguita la victoria, perché mai non havia voluto cavalchar, perché si havia sdegnato che la Signoria nostra non li havia scrito una lettera in sua laude, dicendo da poi la rota di Charavazo non esser stà la più degna in Italia di questa.