Questo havia studiato a Paris, et è giovene di età de anni 2... et è dottissimo.
     
      [995] Ritorniamo a la descriptione di le cosse nostre da Brexa. Per una lettera di 18, vidi come si havia da Milan, che per tutto si divulgava publice haverà ad esser guerra questo anno tra la Signoria nostra et Milano, et che 'l ducha feva zurar a tutti li capi di famiglia di le sue terre in man de li soi oficiali che le governa, che quelle non debia consignare né le forteze se non a lui e, se lui non fusse, a Maximilian suo primogenito conte di Pavia, et quando el ditto fusse morto, a Sforza suo fiol secondo.
     
      Item, come era avisi da Fiorenza esser gran discordie, et maxime tra maridi e mojere, fioli et padre e madre, e generalmente fra tutti per caxon di la morte di fra Hironimo. E che se alde voxe in Fiorenza de note cridar: "Guai a te Fiorenza!" Et che l'à fato miracoli, li qual ho scripto di sopra. Et a Ferrara è stà voluto amazar maistro Zoachin general de' lhor frati predichatori, perché per compiacer al papa, el cavò de dosso l'habito a fra Hironimo. E con dificultà el ducha el cavò di le man dil populo. Tamen, credo fusse di li parenti. Quid erit, scibimus.
     
      Da Ferara. Ritornoe Hironimo de Monte vice colateral nostro general, che era stato ivi a far la mostra di le zente di don Ferante fiol dil ducha di Ferara davanti el vicedomino nostro e Vicenzo Valier andava pagador a Pisa. Et cussì, dominica, a dì 17, fu fatta ditta mostra su la piaza di Ferara di homeni d'arme 80. Li manchava solum 20 homeni d'arme et 10 balestrieri a cavallo li qualli si fariano andagando a Pisa, et era ben in hordine, cridando: Marco, Marco.