[1498 06 29]A dì 29 ditto, nel mazor consejo, fu preso parte, atento che Bernardo Cicogna capitanio nostro di le galie di Barbaria era morto et la sua fameglia rimasta in gran calamità, che li fosse dato per anni do a quattro soi fioli do ballestrarie su le galie di viazi per uno. Et ditta parte fu presa, tamen have molte ballote di no.
     
      A dì 29 ditto, da poi consejo, fu chiamado el [1004] consejo di pregadi per la importantia di mandar al tempo le galie di Fiandra, atento che non haveano in do incanti trovato patroni. Et fu preso parte, cussì come andavano 4 galie et haveano di don li patroni ducati 5000 per uno, cussì al presente che sia incantade solum galie tre, con don ducati 4000 di danari di 6 grossi per collo e non più di li acrescimenti, et che havesseno ad andar solum a Antona et non in Fiandra. Et cussì la matina seguente, justa il solito, per li consejeri fono incantade. La prima have sier Domenego Capelo q. sier Carlo per soldi ... di grossi. La 2.a sier Piero Bragadim, fo patrom in Fiandra, q. sier Hironimo per s ... la 3.ª sier Piero Valier de sier Antonio per s ... Et il capitanio electo che era sier Luca Querini, vedendo non haver 4 galie, refudoe et in loco suo fo electo sier Jacomo Capelo fo capitanio di le galie di Fiandra, el qual vene triplo, et aceptoe etc.
     
      Morite, a dì 30 ditto, Sebastiam Badoer el cavalier era stato capitanio a Padoa, huomo et patricio sapientissimo molto exercitato, et quello che havea abuto molte dignità di la terra nostra. Et perché non era in la scola, quelli di la scola non lo volse aceptar da poi morto.