Quelli di misier Alexandro Bentivoglio, homeni d'arme 50 et 40 balestrieri, questi sono:
     
      Cavali lizieri.
     
     
      Bandi de la Pena Balestrieri 50
      De questi non zè al presente noma Bandi
      Musachio " 50
     
      Uno fiorentin " 50
     
     
      Le fantarie
     
      El signor Pero dal Monte Page 500
      Chiriacho dal Borgo " 500
      El conte Dio (sic) " 300
      Uno altro Nicolò d'Esti, el qual ha " 100
     
      Questi aspetano danari, et credo, se li farano capetanio de fanterie, perderano o Chiriacho o il signor Pero dal Monte.
     
      In la gente d'arme, non ge meto el conte Ranuzo, perché così è capitolà de non andare in impresa dove vada Paulo Vitello; ma lui mi ha dito el manderano a la volta de Montepulzano con li soi, el quale ha 200 homeni d'arme et 100 balestrieri. Et ancora ò speranza de farlo devoto a questo serenissimo stato.
      Die 18 zugno 1498
      AL. FA. BE.
     
     
     
      Nuove dil mexe di lujo 1498.
     
      [1498 07 01]A dì primo lujo, di domenega, hessendo in questa terra el conte Zorzi Zernovich, come ho scripto di sopra con molti di la sua compagnia, et havendo usato a Ravena parole bestial; etiam non hessendo in piacer al Signor turcho che questui da la Signoria nostra, che era suo schiavo e rebello, fusse tanto honorato e datoli conduta, over per altra causa che fu secreta; di ordine di capi dil consejo di X, in questo zorno, hessendo in palazo, fue per li capitani nostri ritenuto et posto in la prexon di l'armamento. Et era cai dil consejo di X Antonio Trum, Zuam Mocenigo et Alvise da Molin. Ma non fu butado collegio, ni altramente examinato, se non che, 8 zorni da poi, chiamato el consejo di X con gran zonta, fu divulgato era stà expedito, videlicet casso di la conduta; che 'l stagi in Toreselle ivi confinato ad beneplacitum dil consejo di X, senza limitarli tempo alcuno.