Et cussì fo posto.
     
      Ancora, nel consejo di X, hessendo per avanti stà comesso Zuam Paulo Gradenigo stato synico e pagador a Pisa a dicto consejo per le parole usade con Thomà Zen cavalier provedador, or parse a questo consejo, senza far altro né altra retention, havendo justifichà el fatto suo, che fusse absolto. Tamen, non potè referir in pregadi. Et cussì non fu altro.
     
      [1498 07 03]A dì 3 ditto, nel consejo di pregadi, fo electo ambasador in Spagna per scrutinio Zuam Badoer dotor era provedador di comum, patricio giovene [1007] ma doctissimo, et pieno di ogni humanità et zentileza. Et fu facto acciò dovesse stà in Spagna qualche mexe, et Domenego Trivixam cavalier ritornasse. Et cussì libentissime, aceptoe.
     
      Et fu astreto, che Francesco Morexini dotor electo orator a Napoli, dovesse in termene di zorni 20 partirsi, sotto pena di ducati 500. Et questo fu facto perché vene lettere di Marin Zorzi dotor orator nostro a Napoli, che significava di alcuni coloquii abuti con quel re don Fedrigo, el qual si doleva di le operatione dil ducha di Milan verso la Signoria nostra, dal qual haveva abuto tanto ben et era stà mantenuto et confirmato in stato. Et che soa majestà si offeriva a unum vellem et unum nollem con la Signoria nostra, per le immortal ubligation havia. Et par che in questi giorni era lì a Napoli venuto uno messo dil Turco, over dil bassà di la Valona per nome dil Turcho, ben in hordine, a dimandar al re el corpo di Giem sultam fratello di esso Signor turco che ivi a Napoli si ritrovava, et par che a Constantinopoli si ritrovava uno orator dil papa che li offeriva di darlo.