Copia di una lettera di Vicenzo Valier, data a Borgo a dì 28 zugno.
     
      A dì 26 del presente, zonsi a Castelnuovo de Garfignana avanti le zente d'arme, per proveder a quanto fusse el bisogno. Mandai più spie a Barga ch'è luogo di fiorentini. El conte Ranuzo di Marzano si atrovava a Pessa con cercha cavali 60 assà mal in hordine, et menazava di aspetar zente et volersi asaltar, tamen niuno mal se hanno scoperto. I stratioti zonseno qui eri, con i qual fui a scorer el pian de Barga, qual tutto si messe in teror e si fuziva [1009] lassando le robe in campagna, e chi se nascondeva in le machie. E misier Busichio Busichio corse con cavali 8 fino su le porte, e feze che le serorono, amazando doy di soi. Prendesemo certi bestiami e alcuni presoni, uno di quali fizi relasar havendose scusato esser luchese. Questa matina, a bona hora, sul dito piano incontrasemo el magnifico provedador di Pisa, quale, ingrosato la scorta per haver inteso che i nemici ne venivano a l'incontro, con gran celerità ne soprazonse. Passassemo per quello de' inimici, danizando le biave sue, e stratioti chazorono fuogo in assai capane e caxe che erano per la campagna. Siamo zonti qui a Borgo lontan da Pisa mia 10; domane se n'andaremo a Librafata e l'altro a Pisa. Ex Burgo etc. die suprascripta.
     
      Et cussì a dì 30 introe in Pisa con gran contento de' pisani, et senza impazo alcuno don Ferante, come ho scripto.
     
      [1498 07 07]A dì 7 ditto, nel consejo di pregadi, fo provado li patroni tutti di tre galie di viazi, videlicet Fiandra, Baruto et Alexandria, in tutto numero 11, et la matina messeno bancho in piaza, che fu bel veder condur galie 11 in un trato.