Et convenendo passar per Bologna over per su quel di Bologna, el magnifico Johanne li parse darli il passo, et cussì ge lo dete.
     
      Di Romagna. A Faenza in questo tempo el castelam domino Nicolao ... andato a Bagni su quel di fiorentini, etiam si transferite a Fiorenza, dove da' fiorentini li fo fatto uno grandissimo honor. Demum, volendo ritornar in la terra, el signor Astor di Manfredi li andò contra, et con molto grande honor ritornò in castello. Siché istis diebus questo è quello che quasi signoriza Faenza.
     
      Et la madama di Forlì non stete, per esser mandato per nostri el signor Antonio Maria di Ordelaphi a Ravena, di mandar suo fiol con zente in ajuto di fiorentini, imo fece apichar uno citadino di Forlì, per dubito che li oppose havia trama con ditto signor Antonio Maria.
     
      [1498 07 09]A dì 9, fo pregadi. Vene lettere di Zuam Piero Stella di 22 zugno da Paris, come el re era stato a parlamento con la raina, et ut dicitur si haveano conzonto etc. et altre particularità, le qual fono comandate credenza.
     
      In questi giorni, vene lettere di Francesco Capelo cavalier podestà et capitanio in Cao d'Istria, come advisava de lì esser nova turchi haver corso in Lubiana su quel de l'imperador, et menato via anime, et che passavano per alcuni nostri lochi, et tamen niun danno haveano facto, et dicevano haver comandamento dal suo Signor di non far niun danno a la Signoria nostra perché havea bona paxe.
     
      A Milano, al principio di lujo, da poi partito el ducha, sentendo che 'l putino fo fiol dil quondam ducha morto, quale era alogiato ne la Corte vechia, da poi la sua partita andava a cavalo per la cità et li putini picoli se asunavano e coreano inanzi dil ditto putino cridando ducha, ducha, per tanto esso ducha scrisse a Milano, et fece serar suso in castello el dito putino, acciò el non andasse più atorno, dubitando etc.