El generale di Lingadoch è casso. Se disse ancora el generale de Provenza fiolo de San Malò, et cossì el thesoriero de Linguadoch. Sono cassi tanti officiali che è uno stupor.
     
      De le cosse del re di romani ad Bergogna, non se ne parla più. Credemo non ne sarà niente. Tutavolta, el re non vole restituir le terre. Cussì li ha risposto.
     
      El re non farà l'intrata sua per fin el terzo zorno de lujo, et la regina ozi venirà a Santo Germano incontro al re, accompagnata da li signori de Foys, Albret, Noringia et altri infiniti signori.
     
      El zorno de la intrada a Paris, el re farà doy cavalieri del suo ordine. Non si pò sapere chi sarano.
     
      El re di romani de presente se dia ritrovar a Friborgo per tener una dieta, el tuto per domandar dinari. Tutavolta havemo adviso che non haverà uno quatrino; che 'l re ha molte intelligentie con quelli signori de Alamagna, et maxime cum li principali.
     
      [1014] Dicto re, haveva congregati qualche soldati, et questo solo per poter venire al suo disegno. Tuttavolta chi a se ne extima pocho (sic), perché tuta la Flandria et cussì li altri paesi del re di romani et quelli del fiolo, non voleno guerra con la majestà dil re. A dì 29 zugno 1498.
     
      [1498 07 12]A dì 12, si have lettere da Milam. Et el ducha era restato a Parma ad haver et scuoder la imposition imposta di ducati 60 milia, et haveva abuto bona quantità, et ritornava a Milano. Et chome intisi, in questi zorni havia mudato tre castelani, videlicet quello di Cremona, di Pizegoton, et Castelion, et mandava el signor Fracasso con ... homeni d'arme, havia dato fama, a Codignola in favor di madama di Forlì per le cosse et dubito di le zente nostri haveano mandate a Ravena; ma opinion era che l'andasse a Pisa, perché il ducha a tutto è disposto ajutar fiorentini, unde è in gram garbujo et in non bona disposition con la Signoria nostra.