Et dovendo concluder et sigilar la dita conduta, acadete che si amaloe et pochi zorni stete che morite, che fu disturbo di slongar questo concluder. El qual era chiamato ... stava a Santo Anzolo, et fo sepulto a Santo Stephano et posto in uno deposito.
     
      A l'ultimo lujo, acadete che con gran pioza et cattivo tempo trete a mezo zorno una saita, dete in questa terra nel campaniel di San Cassam et fece dano a una parte; anḍ in caxa dil piovan, poi cascḥ in una archa. Tamen, niuno amazoe. Et questo a eterna memoria ho scritto.
     
      [1025] In questi zorni, justa la parte presa in pregadi, fu fato le mostre di le zente d'arme nostre in tre lochi, et fo a d́ ... lujo, videlicet: a Manerbe, dove fu Zuam Francesco Pasqualigo dotor e cavalier capitanio di Brexa et Antonio Bernardo dotor et cavalier capitanio di Bergamo, et fu fato la mostra di questi. Dil conte Alvise Avogaro cavali 240, dil conte Zuam Francesco di Gambara cavalli 240, domino Thadeo da la Motella cavali 240, domino Alexandro Cojom cavali 240, domino Carlo Secho cavali 160, et il conte di Petigliano non la fece quel zorno, la doveva far a d́ 6 avosto.
     
      Item, fu fata in veronese, a San Bonifacio, dove fu Nicoḷ Foscarini capitanio di Verona et Piero Balbi cavalier capitanio di Vicenza. Et fu fato la mostra di Taliam da Carpi cavali 400, Ascanio et Jacomo da l'Anguillara cavali 100, Antonio di Pii cavali 160, Piero de Cartagine cavali 100, Francesco Beraldo cavali 80, et altri.
     
      Item, fu fata a Sazil, dove vi fu Zuam Morexini luogotenente di la Patria dil Friul et Piero Malipiero podestà et capitanio a Treviso.