Al qual dì fo mandato el maestro di caxa di la regia majestà con alcuni altri signori a notificharne la mente di la majestà regia esser che noy andasemo a Paris, a la qual terra ne era preparato la caxa del magnifico thesoriero dil re per le persone di nostri clarissimi oratori, li altri con li cavali a le hostarie. E in tutti i logi, con li danari di San Marco havevamo el viver nostro, in reliquis vero habiamo abuto bona ciera. Et la intrada nostra in Paris fo a dì 5 de l'instante, in el qual loco ne vene incontra da cavali 800, in el numero di quali fo monsignor di Lignì homo molto acepto da la regia majestà et molti et molti altri signori, quali voria et tempo et memoria ad doverli comemorarli. Ma ben vi dico che alcuni arcieri ch'è a la guarda del re, erano lì molto ben in hordine. Intramo a Paris, et lì siamo stati fino sabato matino a dì 11. Et dicto giorno, mandato regis, siamo montati a cavalo, et andati a Monarino, et l'altro dì a cena a Stampes. Et quello medemo dì vene la majestà dil re lì, et la domenicha dè quello publice audientia a li ambasadori, et li fo dato benigna et grata audientia, che, in vero, la humanità usata da la majestà regia, non solum saria bastante a lui, ma [1049] più non haveria usato uno marchese. Che a doverlo scriver, tropo longo saria; ma ben vi dico non so quanto più grata ciera ne haria potuto mostrar, dagandone audientia non in palazi ma in la hosteria di la Fontana, in el qual loco tanto eramo streti che in fin a mi li ho tochato la vesta di veludo negro.