Et il principe rispose che il ducha zerchava quello che di facile il troveria, et che lui orator dovesse atender a exequir li mandati dil suo signor et non voler conzar quello che a lui tochava. La qual lettera dil ducha, fo lecta in pregadi. Si lamentava che intendeva alcuni procurava la venuta dil re di Franza a' suo' danni, et che nostri haveva ordinato far cavalchar le sue zente su Ojo, ch'è a li soy confini etc. et che non sapeva per qual caxon. Et l'orator etiam questo disse in collegio, et il principe rispose: "Nui femo cavalchar le nostre zente per conservation dil nostro stato, perché oramai non sapiamo in che fidarse, per haver visto quello ne vien fato."
     
     
      Capitoli contenuti in una lettera de sier Bernardo Cercasso fiolo di misier Zuam Cercasso, scrita a misier Marin Malipiero, data in el Cajaro a dì ... zugno 1498, non dice el zorno.
     
      Ancora aviso vostra magnificentia che Camalì se atrova in questa parte, et apresso haver se trova [1071] 19 navilii. Se qual che sia non farà provixion, è per far mal assai. Ha preso la barza de Santurino, il qual era molto ben in hordine. Prego v. m. che fazi vegnir la paga, et più presto potete, perché sarà el ben de tutti. Mio padre è intrato piezo, et hora mai non voleno pigliar parole né scuse in pagamento. Che Dio vi mantenga. In Cajaro.
     
      [1498 09 09]Di nove, per via di Damasco, sareti copioso. El campo è tornato in Cajaro, et sta el diodar in uno castello che se chiama Biri. Et questo è quanto havemo.
     
      El soldam, per la Dio gracia, sta forte, e cavalcha ogni zorno per tutto el Cajaro.