Poi mosse un dubio che 'l ducha di Milam li havea scrito non si movesse perché elo ajuteria Lucio Malvezzo e gli altri soy contrarii et fora ussiti di Bologna a porli in signoria; perhò volse la Signoria tolesse Bologna et lhoro in protetione; et cussì fo facto, et pur ancora non si à mosso. Siché undique siamo mal serviti. Tamen, vien dito cavalcherà dove si vorà. Et a Bologna ancora si trovava il nostro secretario Antonio Vincivera.
     
      Da Milano. Per avanti si have, et per questa fo confirmato, el ducha haver fato cavalchar in Geradada a li confini di Ojo a l'incontro di le nostre zente in tutto zercha ... homeni d'arme, sotto questi capi: el marchese Hermes, fo fratello dil ducha morto, el conte di Malz fratello etiam natural, domino Francesco Bernardin Visconte et altri.
     
      Item, in parmesana, era el conte di Cajazo con 150 homeni d'arme. Si dice anderia verso Fiorenza. El signor Fracasso con zente era in Romagna in ajuto di la signora di Forlì.
     
      Item, come el ducha voleva andar a Cremona et a Milano, acadete che uno fiol di misier Renato Triulzi fratello dil signor Zuam Jacomo ch'è in Aste, et esso Renato habita a Milano, questo suo fiol giovene, qua de causa non se intese, amazoe sua moglie, che era bellissima dona et havia di dota ducati 40 milia, la qual fo fiola di uno chiamato Tomaxon Grasso, e poi amazata se ne vene in bergamasca a Romano.
     
      Item, come vidi per una lettera di Lombardia, che a Milan si divulgava che la madama di Forlì si [1081] voleva maridar nel signor Galeazo di Sanseverino ch'è a Milano etc.