Andoe in collegio a dolersi che questa electione non era juridice facta, et che lui né li altri non voleva ditto patricio per podestà, atento che 'l signor Frachasso solo non poteva meter podestà, et che lhoro voleano meter uno [1097] nostro patricio, videlicet Silvestro Zen nepote dil capitanio che va a Padoa. Et cussì, li dicti da cha' Minoto e Zeni con dicto signor Julio andavano in collegio, et quello seguirà scriverò. Ma, in questo mezo, el ditto Alvise Minoto andoe a far la intrada, et quella fece a dì 17 de l'instante etc.
     
      In questa terra, oltra li oratori di Spagna, Napoli, Milam, Fiorenza, Ferara, Monferà et Pisa, etiam erano altri, maxime de nostre terre. Et primo: per padoani domino Jacomo dal Sol dotor et uno altro per caxon di certe aque a l'incontro de' veronesi. Et per veronesi domino Zuam Bevilacqua cavalier et domino Ogniben de Brà dotor. Per brexani domino Joanne de Salis dotor et domino Laurentio de Cavriol etiam. Per Ravena ne veneno uno, qualle fo questo: Piero di Leonardi, et pocho vi stete che ritornoe, et voleano che la Signoria pagasse certa spesa per far uno fiume over alveo vicino a la terra per scolar le aque; ma per esser su gram spesa al presente, fono licentiati etc. Etiam vene uno ambasador di Candia chiamato domino ... Dandolo patricio nostro. Portava coroto, mostrava huomo saputo, veniva a consejo, et sentava apresso li cai dil consejo di X di sora li fioli fo dil principe. Questo vene per revochar la parte che altre volte fo presa in pregadi, videlicet del 149... che nun potesseno candioti cargar li vini di dita insula se non su nave nostre, e atento erano su la insula assà vini et poche nave nostre, perhò chiedevano potesseno vender, altramente, notifichava quella isola esser disfata.