Ma Vicenzo di Naldo si stava a Ravena, né si poteva operar in ditta Valle, perché el signor Astor di Faenza et il castelan cussì havea capitolato che dicto Vicenzo non se impazasse etc.
     
      Da Crema. Si have lettere di Hironimo Lion cavalier podestà et capitanio, di preparamento faceva el ducha di Milam a quelli confini, et che havia fato uno edito che tutti quelli havia soldo con la Signoria, che fusse sotto il suo dominio, dovesseno in certo termine ritornar ai so' lochi, sotto pena di rebelion. Tamen, pochi ne sono che milita con nostri, et quelli vi sono non vi anderà etc.
     
      Et da Milano. Si have come el ducha havia mandà in terra todescha a le comunità de' sguizari danari per far certe quantità di sguizari.
     
      Item, in questi giorni, el ducha mandoe a Cov et a Tignan terre di misier Zuam Bentivoy a far levar, e con effeto ha levato li soi oficiali, et meter li soi. Et questo perché el fiol era per venir et cavalchar a danno di fiorentini. Et come per una lettera di Brexa vidi, che domino Francesco Bernardino Visconte era ritornato a Sonzin et lì preparava el suo alozamento. Et che 'l ducha havia fato intender al fiol di misier Renato di Triulzi, che amazò la moglie et era venuto sul nostro et cerchava acordarsi con la Signoria, che a lui non piaceva el stesse ivi né su le nostre terre. Et lui si partì, et è andato a Carpi. Tamen, li ha scrito el vadi a Milano, el qual perhò non ha voluto andarvi.
     
      Item, che Jacomo dal Gambaro, per nome di Bentivoy, havia dato do page a le zente di misier Anibal Bentivoy alozavano in brexana, et cussì erano levate cavalchando via.