Ancora sono mandati da esso marchexe sier Marco Zorzi e sier Hironimo Orio savii a terra ferma, et sier Anzolo Barozi et sier Zorzi Emo, qualli insieme col marchexe et il proveditor nostro dovesseno consultar dove si havesse a far la massa di le zente, e la via dovea far per andar a Pisa.
     
     
      Et vene lettere di Pisa di proveditori nostri di 6 octubrio. Come inimici, dapoi abuto Librafata, erano andati a Santa Maria in Castello, et quella hauta si acampono a pè dil monte e non sono andati altrove. Et stratioti esser corsi verso San Jacomo, e fono da inimici posti di mezo, e alcuni di lhoro feriti et presi, i qualli fono spogliati et ritornono in campo: chiedevano danari.
     
      È da saper come il marchexe di Mantoa, in questi giorni, comproe per zivanza diese miera di zenzari [33] da sier Francesco Grimani fo di sier Piero, a ducati 13 el mier, sichè li zenzari caloe a ducati 12; montoe tal zivanzo ducati 1800.
     
      [1498 10 13]A dì 13 octubrio, in collegio, vene Piero Brazadelo di Asola, sta col marchexe di Mantoa, et per nome dil marchexe, expose come etiam di sua bocha disse che la Signoria volesse condur il fiol dil signor de la Mirandola et li Torelli di Monte Chirugo, che farìano in proposito. Li fo risposto non esser tempo, et fo scrito al vicedomino di Ferrara volesse dimandar il passo al ducha per passar per il suo le nostre zente et ditto marchexe si mandava a Pisa, et vituarie per li soi danari.
     
      Di campo apresso Brixegele, dil provedador Marcello. Come era stà levate le bombarde di Marati etc.