In questo consejo di pregadi, fo posto parte per i consejeri di far salvo conduto a sier Marco Zustignam, q. sier Jacomo, era falito per debito, et questo per mexi 6, acciò si possi acordar con li credatori, et fo impazata la dita parte per li avogadori, tamen in uno altro consejo fu posta et fu presa.
     
      Item, posta la parte che sier Nicolò Foscarini, andava provedador in campo, potesse portar arzenti extimati per le raxon nuove a risego di la Signoria per valor di ducati 400, come si suol far ad altri oratori e provedadori nostri.
     
      Item, fu messo una taja, sicome scriveva sier Marin Zustignam podestà et capitano a Ruigo, per la morte seguida a uno di Strozi, ivi era, et fu presa et expedita la lettera.
     
      Item, fo posto dar licentia ad Alvixe Sagudim secretario nostro, era a Siena, che 'l debbi ritornar [35] in questa terra, et fu presa et fo poi sospesa: tamen, a dì 15 di l'instante, la ditta licentia fo expedita a Siena.
     
      Item, fo posto, per l'hordene nostro, di mandar 200 stera di formento a Budua per sovention di quelli poveri nostri provisionati, et 500 taole per bisogno di conzar la forteza, la qual parte have tutto il consejo.
     
      Item, fo eletto per scurtinio uno savio a terra ferma, in luogo de sier Alvixe Venier, che non era intrado, et rimase sier Alvixe da Molin, fo savio da terra ferma, el qual, benché zà alcuni anni non havia voluto più tal cargo, pur considerando el bisogno la matina introe.
     
      [1498 10 14]A dì 14 octubrio domenega in collegio, vene il conte Nicola Ursino di Petigliano governador zeneral nostro, vestito d'oro.