Item, come el fiol dil pontifice va in Franza, porta el divortio di la raina moglie di questo re, acciò possi tuor l'altra raina per moglie, et etiam el cappello a monsignor di Roan.
     
      Da Napoli, di sier Marin Zorzi orator nostro, date a dì 4. Come era andato dal re a l'Acera a paissa per tuor licentia, qual ge la dete, et disseli alcune parole, qual zonto el sarà, l'obedirà, et li donoe do bacili d'arzento di ducati 5 l'uno, do buchali, una confetiera con odori e una cadena d'oro di valuta di ducati 150. Item di certe jumente dil principe di Salerno. Et partì uno orator a dì 5 di Napoli, et gionse a dì 11 a Roma come ho dito.
     
      Da Cologna, di sier Fantin Moro vicepodestà in logo di sier Antonio Sanudo, era in questa terra. Come havia trovà 12 caretieri, et 25 cavali da tirar per condur le artilarie col marchexe di Mantoa. Et per la Signoria nostra fu scrito in risposta, laudando sier Antonio Sanudo podestà et quelli fidelissimi citadini, i qualli sono proprii nostri, perché Cologna fa con questa terra et è dil sestier di Canarejo. Et dita lettera ivi fo leta publice et registrata.
     
      Di Trevixo, di sier Piero Malipiero podestà et capitanio. Di carete et cavali trovati et altre execution. Li fo scripto: facte.
     
      Vene Piero di Bibiena, con una lettera di Piero di Medici data a dì 13 apresso Brisegele. Narra il sucesso di haversi levà di campo; voria danari da la Signoria.
     
      Poi andato il principe a caxa, steteno li savii a consultar la via havesse a far il marchexe di Mantoa per andar a Pisa.