In questo consejo di pregadi, fo posto parte per i consejeri di perlongar il salvo conduto havea sier Andrea e sier Zacharia Balbi q. sier Stae, qualli erano agravadi per debito, et questo per altri mexi 6. Fo intrigata, adeo non fo balotada, perché non dimandavano salvo conduto, ma di pagar li soi creditori di tanti pro corenti a duchato per ducato, etc.
     
      Item, fo posto per li savii, d'acordo, di dar al conte di Pitiano governador nostro 100 homini d'arme in tempo di pace et di guera, zoè cresserli di più ducati 10 milia a l'anno, che prima haveva ducati 33 milia, hora ne haverà 43 milia, benché per li capitoli in tempo di guerra dovesse haver a l'anno ducati 50 milia; et che li sia dicto, a caro si haveria sua excelentia havesse suo fiol, è a Siena, con lui; la qual parte disputata fo presa di tutto el consejo.
     
      Item, fo preso di scriver a li oratori in Franza di la venuta qui di l'orator dil re di romani, stato per la causa di Focher, qual era partito.
     
      Item, dil partir di li oratori fiorentini de qui re infecta di alcun acordo di Pisa. Et come zonto sarà qui el messo di la regia majestà per li falconi, si farà che sarà satisfato, et che mandavano a donar a soa majestà in segno di amor cento zebelini, e cussì fono mandati.
     
      Item, fo preso che li debitori di le do decime prese ultimamente, messe in termine di zorni 8, dovesseno pagar, altramente siano per li signori a le cazude mandadi a palazo, et siano nel consejo di pregadi li debitori publicati.
     
      Item, fo posto per li consejeri di dar autorità a sier Hironimo Capello provedador nostro a reveder [51] le camere, che potesse retenir tutti quelli hanno robato et troverà haver tolto di li danari di la Signoria nostra, et quelli mandarli de qui, et con li consegii expedirli; et fu presa da tutto il consejo.