In questo consejo di pregadi fu preso parte, atento le vie pericolose di mandar el marchexe a Pisa, che li fosse scrito subito con le zente andasse in Romagna dove si aviseria quello havesse a far: la qual parte have solum 5 balote di no.
     
      Item, di scriver a li provedadori in campo debi consegliar col ducha di Urbino governador nostro di quel exercito con li Medici, e condutori nostri, di tuor l'impresa di Forlė over di Bibiena: et dita parte [72] fo posta per parte di savii, et a l'incontro fo posto de indusiar sino veniva le prime lettere di campo, et cussė fo preso. Et referė sier Marco Antonio Morexini cavalier, consejer, per non vi esser el principe, quello havia ditto el conte di Pitiano zercha a la via et passo di Bibiena aquistato, qual comendava summamente. Fo disputato la materia, tandem fu preso di indusiar.
     
      [1498 10 28]A dė 28 octubrio, domenega, in camera dil principe si reduse il colegio, dove vene domino Antimacho orator di Mantoa, che ancora non era partito per Mantoa, al qual fo fato lezer la deliberation nostra fata l'altro eri nel senato, la qual laudoe.
     
      Vene l'orator di Napoli, et disse come havia lettere dil suo signor re che comendava molto sier Marin Zorzi dotor, stato de lė orator nostro, pregando la Signoria volesse expedir il suo successor; el qual sier Marin Zorzi era zonto eri sera, et volendo venir in colegio a referir la sua ambasata, li fo mandato a dir, atento le cosse importante, venisse ozi in pregadi che referiria: el qual venuto, per non vi esser tempo ni el principe, non referite, demum si amaloe et stete alcuni mexi, adeo pių non referite in pregadi.