Item, che lui seguiva la fabricha; et li schiopetieri passati, in tutto 211.
     
      Di campo de li proveditori a Villafrancha, a dì 29. Non erano ancor mossi aspectando lettere. Le qual a hore 4 gionseno, et quelle lettere la matina partirano per Casentino, dil qual locho si havia bone nove. L'Alviano prosperava; et Piero di Medici [81] pianze e si doleva de l'indusia che nostri mostrava per far la mostra; Frachasso è a Forlì, el qual si dice, partiti nostri, corerà fin su le porte di Ravena; et il podestà di Ravena dubita assai; et che la madona di Forlì havia otenuto da Milan di romper a Faenza, partendo de lì nostri. Dimandavano denari per dar il resto di la paga a le zente. Et che per do fanti, venuti dil campo nemico, aveano inteso li fanti scampava per non haver denari, et nostri havia auto Popi, et che alcuni fanti, doveano andarvi per soccorso, per questa nova non erano mossi, ma voleano andar con tutto il campo, Tamen, non fu vero nostri havesse auto Popi.
     
      In questo pregadi, fo preso di scriver al marchexe di Mantoa, zoè al nostro proveditor, qual la dovesse lezerla, meravigliandose di quello facea, et comemorando li beneficii recevuti da questa Signoria. In conclusione, sapientissime ditata per Gasparo che fece contaminar (sic) tutto el consejo: la qual have tutto il consejo, et statim fo expedita; ma nulla valse.
     
      Item, fo preso che atento la diferentia di brexani con quel comun, uno di dieci comuni, qual contrariavano la cità per caxon dil monte di Pascozo et conzosìa altre volte fu preso di far 9 nostri patricii per collegio quali doveseno difinir ditte differentie, et fono electi sier Hironimo Querini, sier Hironimo Contarini da Londra, sier Zacharia Dolfin, sier Piero di Prioli fo di sier Marco, sier Antonio Calbo e sier Anzolo Barozi qualli sono al presente, ma ne manchava tre, sier Bertuzi Valier morto, sier Andrea Memo era morto et sier Beneto Sanudo consolo a Damasco; che damò sia preso che, in loco di questi che mancha, per il collegio sieno electi, et cussì in executiom di tal parte, fono electi 4, in loco etiam di sier Antonio Calbo era intrato avogador di comun, et rimasero sier Marco Dandolo doctor e cavalier, sier Zorzi Pixani doctor e cavalier, sier Michiel Foscari et sier Hironimo Bon, quali fono electi a dì ... novembrio.