Item, el provedador volea dar la paga a li schiopetieri elemani. Et per l'altra, di hore 3 di note, come era venuto uno canzelier dil conte Zuam Francesco di Gambara, è alozato a Gazo in veronese, e li ha dito volendo passar Ponte Molin dieci di soi cavali non è stà lassati passar, et che il signor mandava lì alcuni ballestrieri a custodia: sichè quelle cosse concludendo vanno mal.
     
      Da Ravena, do lettere di 1° da sera e di 2 da matina. Zercha le provision facea esso podestà. Dubitava de' inimici erano a Forlì, per esser Ravena mal in hordine; voria fanti et danari perché il signor di Faenza non resta di dimandar socorso, dubitando etc. Li fo scripto la deliberation nostra di le zente d'arme si mandava lì, et di provisionati, et di le provision fate.
     
      Di campo di proveditori date a Gazam, a dì 1.° Come quel zorno non erano mossi per esser stanchi di la zornata avanti in passar el Savio; sarano domenega a Bibiena, che a dì 4 di questo sono lontani di Rimano mia 7. Et uno domino Palmerio di Tiberti da Cesena si havia molto operato in servicio di la Signoria nostra in darli ogni ajuto et vituarie etc., qual voria 25 ballestrieri a cavalo et 300 fanti di conduta; et li fo risposto dovesseno tuorlo et cussì lo tolseno. Item, come li fanti fuziano; e che 'l ducha di Urbim havia electo domino Zuam Paulo Manfron condutier nostro capo di tute le fantarie; e che 'l ducha vol andar in Casentino; per la via di la Marchia, zoè per quella che andoe l'Alviano, benché sia più pericolosa che per la via di Bagno; et dice non havendo vituarie non vol andar avanti nì passar monti si nostri non harà auto Popi, perhò richiedevano danari e vituarie per la via di Rimano fusseno mandate in campo.