Item, haveano dato, de li ducati 7000 haveano, meza paga a domino Hannibal Bentivoy et Jacomazo da Veniexia, qualli erano restati contenti; et che non fu vero de li 40 homini d'arme bentivoleschi che andasseno via.
     
      Di Marco di Santi date al monte di la Verna a [97] d́ ultimo octubrio. Come el zorno avanti era zonto a Bibiena el signor Carlo Orsini et domino Ferdinando Farnese; li andoe contro con il signor Bortolomeo d'Alviano. Solicita vengi il campo, li fanti si partono, vol danari, e li populi comenza a dubitar; et come Monte Fetuchio, che fo preso per nostri, havia rebelato, et ĺ erano entrati 300 fanti nimichi questa note; ma sopravenuto el signor Carlo predito, qual con l'Alviano andoe contra Monte Fetuchio, et quelli di la terra pavidi cazono via li fanti et iterum si rese a nostri. Item, li Bajoni vol danari.
     
      Da Rimano dil secretario nostro, di 1.° Havia ricevuto li danari per far li provisionati, qual li faria subito; et che quel signor voria danari per dar a le sue zente, et che tutti si havia mandà alegrar, excepto la Signoria nostra, dil fiol nato, etc.
     
      Di Brexa, di rectori nostri, di 2. Come el conte di Pitiano era venuto ĺ in Brexa a visitation lhoro; et che li havia dicto haver inteso Marchexin Stanga esser andato a Mantoa et il marchexe star in streta praticha di acordarsi col ducha di Milan. Item, esser passà de ĺ 500 provisionati di bergamascha, li qualli fono facti per la comunità e mandano in campo.
     
      Da Turim vene lettere di Zuam Dolze secretario nostro in zifra, di 29. Come el ducha si aspectava fin 10 zorni; et che quando el si part́ di Aste, misier Zuam Jacomo Triulzi li disse parole bone verso la Signoria, et era tutto nostro, et ne ajuteria in ogni cossa in haver di qua e di là di Adda, et alia verba etc.