Et reduto el campo nemico a le castele, a le stanze, bisognerà assa' danari a levarli. Et con gran desiderio aspectavano il marchexe di Mantoa, e non sia perlongata la sua andata per vegnir ne l'inverno; esser paexi quelli bassi e aquosi che piovando sarà dificultà a condur artelarie e campizar; lochi dove bisogna star a la frascha e non in caxe; non harano strami, si non vadi su quel de inimico, bastanti. Item, havia posto bon hordine con Martinel di Lucha nostro contestabele in Cassina, qual ha parenti in Galichano, che sentendo far bastion o [116] riparo algun sopra quelli confini di Barga, subito mandasse a Mantoa avisar dil tutto, tamen sarà gran dificultà quella strata e maxime, la montagna di san Pelegrin ch'è assa' aspra, e credo non si potrà condur artilarie et che lhoro ne hano lì di grosse et bastante. El Duodo proveditor sta meglio, et per la terra si comenza a varir.
     
      [1498 11 13]A dì 13 novembrio in colegio. Vene sier Francesco Capelo el cavalier ritornato podestà et capitano di Caodistria, qual referite al principe et Signoria, et li savii tutti andono di suso a consultar di risponder a le lettere di Franza che importava.
     
      Et da poi disnar fo pregadi, et vene queste lettere, et prima:
     
      Da Ravena, di 10 et 11. Di le provision fate, e dil venir lì di maistro Claudio bombardier et altri, qualli da Forlì erano mandati a Fiorenza, voleno far in servicio nostro, etc.
     
      Da Rimano, di 10, dil secretario nostro. Come havea inteso a Maldola nostri esser stati a le man con alcuni fanti, et quelli haver roto; et che quel signor havia abuto li danari, qual dice non si poter levar con sì pochi danari.