Di campo di proveditori, di 9, date tra monte Cornaro et Vergareto. Come erano levati di Castel Delze et che la matina intrerieno in Casentino, e zonti consulteriano con l'Alviano et Orsino quello havesseno a far.
     
      Dil zeneral di Camaldole da cha Dolfin, un'altra lettera fo leta. Come si doleva di le zente nostre tratavano cussì mal quel suo loco, et vol mantenir la fede data a' fiorentini; prega la Signoria provedi et avisa il Casentino va male.
     
      Da Bologna dil secretario, di 10. Come erano zonti ducati 3700 dati per il referendario dil ducha de Milan al magnifico domino Zuanne Bentivoy, et tanti ne dia portar Francesco Nerli fiorentino. Item, molte cosse di Fiorenza, ma nulla di conto.
     
      Di Zenoa, dil secretario, date a dì 5. Come el ducha solicitava zenoesi a non dar aiuto a' pisani, e lhoro non volevano. Et che di la cossa fo incolpado el fiol dil governador per la morte seguita di quella dona, come scrisse, non fu vero ma è stà trovato li malfactori. Et esser ivi venuto domino Zuam Spinola da Seravale, qual dice vol esser con la Signoria contra il ducha de Milan. Item, domino Zuam Alvise dal Fiesco voria meter suo zenero con la Signoria nostra. Item, mandoe lettere abute di Spagna replicate e scrisse in zifra.
     
      In questo pregadi fono lecte lettere di Franza ne le qual era questo che al locho suo non ho posto [117] nel primo capitolo: amico di amici, e fu conzo che la parte non presti favor ai nemici, et fo dato gran sacramenti per li cai di X a bancho a bancho.
     
      Fo messo parte, per li avogadori, che le scriture havea sier Zuam Paulo Gradenigo dil synichà fato a Pisa, dovesse presentar in lo oficio di l'avogaria; et per li cai di XL sier Simon Capelo vice consejer, sier Piero Alvise di Prioli e sier Alvise Venier cai di XL, fo messo a l'incontro che 'l ditto sier Zuam Paulo havesse, termine 3 mexi da poi ritornato, di expedir le soe intromision.