Ancora in questo consejo fo posto parte, per li consejeri cai di 40 savii dil consejo et di terraferma, che sier Simon Guoro, andava provedador in armada, dovesse esser confinato per tutto doman in galia, tamen non havia se non 45 homini, et debbi andar per Dalmatia a compir di armarse, et che per tutta domenega proxima sier Andrea Zanchani, va con lui orator al Turcho fino a Corfù, si dovesseno partir insieme sotto pena, etc. Et ditta parte have tutto il consejo.
     
      [1498 11 16]A dì 16 novembrio, in colegio. Vene domino Urbano di Alba orator di Monferà, pregando la Signoria scrivesse al signor Constantin governador di quel stato, come la Signoria lo volea conservarlo oferendosi di ajutarlo, perché il ducha di Milan tramava contra di lui. Et consigliato la materia, fo terminato scriver a Zuam Dolze secretario nostro era in Aste, che data oportunitate dovesse andar a Monferà a notifichar al signor Constantin la bona voluntà et disposition di questa Signoria nostra in conservarlo in quel governo, offerendosi di ajutarlo in quello si potrà.
     
      Vene el conte Zorzi Zernovich, introduto dal sopradito orator, qual havia prima ducati 40 di provision al mexe, et dimandoe qualche modo da poter viver; et el principe, consultato col collegio, li rispose andasse scorando che al presente non ora per aver la provisione, e li bastava fosse perdonato etc. Qual poi dimandoe licentia di poter andar dal signor Costantin Arniti over Comino suo barba a Monferà, zoè fratello di la madre sua, et li fo data, ordinatoli lettere di passo; el qual andoe, ma pocho stete che iterum qui tornoe.