Ne era molti greci in le compagnie quali havia cassati e rimesso taliani, ma volendolo ridrezar, è bisogno mandarne de lì almeno 200 fanti taliani, et è [129] solum mastro Tomaso da Brexa bombardier qual è infermà ma perfectissimo; sono altri 4 ma pocho valeno, rechiedeva balote di fero per li passavolanti.
     
      In questo pregadi fo posto parte, per li savii di ordeni, zercha la expedition di Zorzi Tarona et Dimitri Boniza, citadini et oratori di la università di la terra di Lepanto, qualli è molti mexi erano in questa terra; et che quanto al gomariaticho, quello debbi ancora durar per anni 3, sotto pena a quel retor di meter li ducati 100 in la casseta deputati a la fabricha, et have tutto el consejo et fono expediti.
     
      Ancora, fo intrato in la materia di Franza, et eramo di opinion fusse messo omnino el capitolo dil Turcho. Fo gram disputatione, parloe sier Polo Barbo et sier Lunardo Loredam procurator savii dil consejo, et poi el serenissimo principe nostro, qual disentiva l'acordo con Franza, comemorò molte cosse passate, et aricordò voria se intendesse el tempo quando si havesse romper al stado di Milan. Et per esser l'hora tarda et passato le do hore di note, fo terminato, atento molti voleano parlar, remeter a doman.
     
      [1498 11 17]A dì 17 novembrio in colegio vene l'orator dil ducha di Urbino, mostroe una lettera dil signor suo di 11, data a l'Averna: come andava a Popi, solicitava le provisione.
     
      Da Ferara di Zuam Alberto da la Pigna, data a dì 15. Come el zorno avanti era zonto, et che 'l signor havia parlato a domino Antonio Strozi dotor, orator fiorentino, che li soi signori si risolvano una volta, qual havia scrito e spera farano.