In questo consejo di pregadi, fo posto parte per [156] i consejeri di far salvo conduto a sier Marco Zustignam fo di sier Jacomo, per adatarsi con li soi creditori per mexi 6; et niuno contradicendo fu presa.
     
      Item, per li diti consejeri fo posto, justa una lettera di sier Marco Bolani podestà di Padoa, fusse dato taglia, ad alcuni ladri havia robato domino Marco Antonio Foscarini episcopo di Citanuova studia de lì et uno vicentino, lire 500 di danari di la Signoria nostra; et hessendo do compagni quello che acusava fusse asolto, et che potesse bandizarli al confin di ladri. La qual parte, licet fusse cativa stampa per non esser soliti dar taglia di danar di la Signoria a' ladri robava di fuora questa terra, non fu contradita et fu presa: et cussì el podestà dete la taja, zoè fece le cride solite; quello seguite qui non noterò.
     
      Item, fo posto una parte per tutto il colegio et li savii di ordeni et li proveditori sora l'arsenal zercha il pagamento de caetero, da esser facto a quelli lavorava a l'arsenal nostro, et fu presa. Fu bon hordine per obviar le robarie si poteva far per li patroni.
     
      Item, fo leto la deposition di Zuam Alberto da la Pigna in la materia di metersi nel ducha di Ferara, el qual prometeva non concluderia senza voler nostro, et faria le do cosse promesse: zoè restasse a' pisani li castelli da Livorne in fuora, et fusse pagato a la Signoria nostra zercha ducati 150 milia per la spexa. Etiam fo leto do lettere dil ducha di Milam a l'orator suo è qui, date a la Signoria per dito Zuam Alberto, videlicet: una di 19 ch'era molto humana, et che lui era mosso contra pisani acciò la Signoria non si signorizasse di Italia, el vol esser fiol nostro; et un'altra di 21, come fiorentini si haveano risolto in mandar la comision al ducha di Ferara, et di questo era molto aliegro che si adatasse queste diferentie; vol esser bon fiol di la Signoria, etc.; et dite lettere le mostrava di voler di l'orator.