Or li savii, altri si tolseno zoso, ś perché perdevano la lhoro parte perché el consejo non era di opinion pagar stratioti cativi, poi non erano stà mandati a tuor, etc. Sichè l'opinion nostra vadagnoe. In questo interim essi stratioti steteno a Lio; alcuni fo tolti atento el bisogno, et altri vendeteno li lhoro cavali.
     
      [1498 12 05]A d́ 5 dezembrio in colegio; fo aldita la diferentia di sier Alvixe Loredan fo governador a Monopoli con li oficiali di cataveri, quali lo haveano sententiato a restituir certi danari e robe tolte ad alcuni zudei a Monopoli, etc.
     
      Vene l'orator di Napoli, dicendo la Signoria nostra havia una caxa a Napoli qual confinava con una caxa dil principe di Bisignano el qual voria uno certo membro di la nostra; li fo risposo per el principe volevamo fabrichar quella caxa. Item, dimanḍ, atento che uno beneficio in Monopoli, qual hessendo vachato sier Tomà Lion governador nostro per esser jus patronatus di la Signoria lo dete a uno fiol suo natural et per la Signoria nostra fu confirmato, pregava atento uno altro diceva haver [175] raxon fusse concesso a lo episcopo di Monopoli, dovesse veder di jure: li fo risposo non voler far questo per esser jus patronatus nostro et haverlo zà conferito.
     
      Vene Zuam Alberto, al qual fo leto la diliberation nostra che 'l signor suo formasse li capitoli: qual rispose el signor veria qui, et molte parole: li fo data copia e andoe a Ferara.
     
      Da Roma di l'orator nostro, di ultimo novembrio. Si scusa non haver da scriver cossa di momento.