Ancora, come ho scripto di sopra, fono mandati a donar a soa majestà zebelini 200, qualli costò ducati 5 l'uno belissimi, et cussì fono expediti.
     
      Ancora, per li savii de terraferma fono acordati li stratioti erano a Lio. Chiamati li capi, rimaseno contenti di andare indriedo pagandoli il nollo di l'andar e di ritorno e darli la biava e biscoto e ducati do per uno, havendo li cavali, et quelli vendevano li cavali, havesse solum ducati uno, et fo l'opinion mia.
     
      Da poi disnar, fo gran consejo, et fato il scrutinio di do governadori de l'intrade, et ussiva sier Zuam Marcello fo podestà a Brexa et sier Marin Contarini cao dil consejo di X, et per esser l'hora tarda non fono balotadi, et in uno altro consejo quelli medemi ussiteno per scrutinio et rimaseno.
     
      [1498 12 07]A dì 7 dezembrio in colegio. Vene sier Hieronimo da cha da Pexaro venuto capitanio di Candia, et referite. Laudò si dovesse fortifichar il borgo e non la terra; laudò domino Andrea Lando arziepiscopo et voria li episcopi facesse residentia a li sui episcopati, come quel di Retimo, la Cania etc. Item, esser lì in Candia 7 galie sotil da armar, zoè li corpi, e danari per armar 4 galie quali sono in la camera in li gropi che de qui fono mandati, et do galie armate erano fuora. Item, erano in l'arsenal 5 volti coperti et do discoperti, et era anni 291 che Candia era sotto la Signoria nostra; havia recuperà assa' danari et pagato galioti molti, adeo si puol armar le galie da 12 fin 20, et quelle do è fuora le armoe, in uno zorno, et havia saldà 18 galie, zoè contentà li galioti.