Da poi disnar fo pregadi; fo posto per i savii ai ordeni tre galie in bona gratia el viazo de trafego; fazino do viazi con li modi et condition de li incanti consueti, et pił azonto la balotation per sier Priamo Contarini et sier Piero Dolfin come apar, et pił che li patroni che le torano debi un mexe da poi tolte haversi provą et messo banco; ave una di no, 151 di la parte.
     
      Item, fo messo per li consejeri dar taja ad alcuni malfatori, justa le lettere di sier Marco Bolani podestą a Padoa; e fu preso.
     
      Item, fo messo per li ditti di dar provision a tre bombardieri che fo tają le man a Vico per fiorentini, ducati tre al mexe per uno a l'oficio dil sal, sicome a l'altro era stą dato; et fu presa.
     
      Item, fo messo per li consejeri et savii dil consejo e di terra ferma, tamen fo opinion fata nota per sier Paulo Barbo el capo dil consejo una parte molto longa: che li debitori de la Signoria nostra di le cazude dovesseno pagar; et redurse ogni matina uno consejer, un savio dil consejo et un di terra ferma in una camera di palazo per veder li debitori e poi referir in colegio. Item, li debitori non pagaranno, siano publicati in pregadi, et le caxe sia vendute et limitato picol termine al tajar vendendole come in quella apar; et quelle cosse era in nome di comesarie, per li 10 savii et governador de l'intrade sia ceduti a conto de quelli galdeno; et dita parte non se intende presa si la non sarą presa nel mazor consejo. Or contradise sier Andrea Gradenigo era proveditor sora la sanitą; non have risposta: have 39 di no et 113 di la parte e fo presa; tamen in la terra fo gran mormoration et esser parte crudel; et venendo posta a gran consejo, alcuni la voleva contradir, maxime sier Zuam Antonio Minio avochato et altri, unde fo consultato non la meter, ma volerla corezer.