Vene una posta di Alvixe Caponi, è a la corte e seguita il re, a Neri Caponi, et per quanto intese, fiorentini sono di malavoia, et disseno: semeniamo il fomento in [200] arena, et il roy per partido se li faza non vol etc. è una gran cossa, dimostrando non poter haver lhoro intention. Questo ha da Zuam Francesco Martegli fiorentino. Item, la corte dil re esser apresso Anglera a la volta di Bertagna; et il Gobo corier nostro, andava in Franza con lettere, passò per Lion a dì 29 novembrio.
     
      Da Brexa di rectori, di 10. Zercha trenta spingarde, fate a tempo di sier Marco Sanudo podestà et sier Francesco Mocenigo capitano. Item, sier Zuam Francesco Pasqualigo doctor et cavalier capitano, scrisse solo una lettera, come era stato da lui Stephano da la Pigna, fratello di Zuam Alberto, et Sigismondo di Madama, qualli dicono andar a Milano rechiesti dal ducha, el qual desidera reconciliarsi con la Signoria, et lhoro si opererà in ogni cossa. Item, del dito de 11, come era stà a Gedi dal conte di Pitiano, et li vene contra in campagna con un mantelo negro longo a cavalo; andati a Gedi, volse el disnase con lui e parlono di altre cosse, poi esso capitano, per nome di la Signoria, si dolse di la morte dil fiol, el qual rispose: in 14 mesi la fortuna mi ha tolto do fioli; mi resta ancora 6 tra fioli e nepoti quali voleno spander il sangue per la Signoria nostra, et che si voleva confirmar con la volontà di Dio ringratiando la Signoria etc. Et poi tornoe a Brexa acompagnato alquanto poi da esso conte; et zonto domino Hieronimo di Porchari nomine suo, vene da lui dicendo esser passà per Brexa sier Domenego Trivixam venuto di Spagna, qual menava do cavali zaneti et una mulla qual el conte desiderava averli, perhò pregava la Signoria nostra li volesse farli dar per li danari soi.