Et a l'incontro, fo posta per parte di savii di colegio, che li sia risposto che atento l'habi dito che 'l suo signor veria qui, che semo ben contenti el vengi, et volendo meni con se l'orator fiorentino, è a presso di lui, e che zonto el sarà, o per via di composition o di compromesso, si adateria le cosse; et fo gran disputatione. Altri fuora di colegio voria star su quello era preso, tandem la prima have 16 balote e la seconda 89, e fu presa.
     
      Item, fu messo parte per li savij di consejo, terra ferma et li ordeni, che per li preparamenti facea il Turco fusse di bisogno proveder a le cosse da mar, perhò sia preso che marti e sabato proximo il colegio da matina e da poi disnar si habi a redur soto pena di ducati 200 per cadauno, etiam li proveditori e patroni di l'arsenal, per atender a le ditte provision; et ave tutto il consejo. Et è da saper, esser lettere da Costantinopoli di 13 octobrio, dil Griti a Zacharia di Freschi, sub enigma, come quel à scrito verà, et per un'altra, manderà il conto più distinto, zoè il numero di l'armata facea.
     
      [1498 12 16]A dì 16 dezembrio, domenega in colegio fo balotà 25 miera di biscoto per le galie, et ducati 150 per li homeni 37 varda la barza a Puola, et mandato sier Alvixe Bernardo proveditor sora l'armar a Puola con ducati 6000 per dar rifusure a questa et la Pasqualiga.
     
      Di Padoa di 14, di rectori. Zercha la controversia dil Campezo et Sozino qual deteno la coleta [209] prima al Sozino, unde el Campezo non vol lezer ma vol venir a dolersi a la Signoria nostra.