Cavalchoe per la Franza et vene a Milan a dì 5 di questo mexe; el ducha con gran numero di cavali li andò contra a la porta, et gionto si alegroe di la valitudine di sua excellentia, qual rispose:
      Magnifico orator, siete aliegro di uno bon fiol de la illustrissima Signoria." Alozò a l'hostaria dil Pozo, e volendo andar da soa excellentia, mandoe domino Baldissera da Pusterla et domino Galeazo Visconte a dirli l'andasse la matina, et cussì andoe con sier Marco Lipomano, cavalier orator nostro. Era il ducha in una camera solo col castelam, il conte di Melz, domino Bortolo Calcho, et gionto lì, subito esso ducha comensò a dir: "Magnifico ambasator, io vi volea dimandar di le cosse di Spagna, ma vedendo perdessamo tempo, dirò quello mi par importa più, et son stà in gran pensier s'io debbo tacer o dirlo, pur lo voglio dir. Vui mi recomanderè a quella illustrissima Signoria, fiol aricordevole di quello la mi ha fatto con me et al stato mio; et par sia venuto che pocho la mi stima, et è seguita certa alteration per le cosse di Pisa, ma io non son stato caxom, et son ben stato quello che per reconciliar ho fato mandar li oratori fiorentini andono a Venecia. Io non ho causa la Signoria mi debi extimar sì pocho, e ho ditto a questo magnifico misier Marco una do e tre volte, scrivè a la Signoria che queste cosse di Pisa si aseti et usi l'opera mia, mai ha voluto risponder: è vero, misierMarco? Rispose: signor sì, non ho auto risposta, che l'averia mostrà a la vostra excellentia. Or diteli io son per far ogni cosa che con honor lo possi far e [212] tutavia che non mi torni danno, e quello ho fato di Pisa, è per dubito di le cosse mie per la vicinità ha con Zenoa, et se questo non fusse non me impazeria.