Da la Mota, di sier Zuam Vituri podestā. Zercha alcuni legni fati tajar per sier Antonio Contarini provedador sora le legne.
     
      Di Padoa. Zercha li ducati 100 si dovea dar a sier Marin Boldų electo proveditor a Gradischa, qualli ebbe sier Alvise Zorzi che refudoe.
     
      Di Sibinico, di sier Arseni Diedo conte, di 3. Come la domenega, a dė 2 a hore 5 avanti zorno, seguite che 250 cavali de' turchi corse di hordine dil sanzacho di Bossina con trombe e stendardi a una villa nostra chiamata Stintichi mia 25 de lė, et menono via 150 anime et animali in tutto zercha 6000, et andono via; et come esso conte volea mandar uno messo al dito sanzacho a dolersi, et non si trovava chi volesse andar, per esser acaduto, pocho era, che fo mandato uno orator al sanzacho di Narenta per certe incursion fate su quel di Sibinico, dito orator fo tagliato a pezi; perhō quelli citadini si dubitano andar, et questo fo dimandando 12 anime per turchi tolte.
     
      Noto come in questi zorni vene in questa terra do putini, che si teniva a uno, havia 4 gambe et 4 brazi, 6 dedi per man, 2 teste et uno cuor sollo, et era nato a Maran; et venia portado exposto a l'hostaria dil Sarasin a San Marcho, et chi voleva veder pagava pizoli uno.
     
      Da poi disnar, in questo zorno, a dė 19 fo consejo di X con zonta.
     
      [1498 12 20]A dė 20 dezembrio in colegio. Vene tre oratori di la citā di Verona, quali sono el marchexe Lunardo Malaspina, missier Zuam Bevilaqua cavalier et missier Alberto di Alberti doctor, et portato le lettere di credenza, in piedi tutti exposeno.