Lauda Corphù, dicendo si vivo e scampo sta nembaiza, lo voglio far inespugnabile di fossi. In conclusion, dubitava grandemente di l'arma dil Turcho, la qual avanti mezo fevrer doveva ussir; siché bisognava le provision fusse preste.
     
      Da Costantinopoli, di sier Andrea Griti, data in Pera a dì 31 octubrio, drezata al principe nostro. Come a dì 24, ricevute lettere di la Signoria per via di Corphù de 4 et 17 septembrio, zoè di la election di l'orator solenne al signor Turcho, et che dovesse notificarlo a quelli bassà, laudando la persona di l'orator qual era stà electo per la conservation di la bona paxe etc. Et cussì andoe da Acat bassà a caxa, perché da Embraim et Jacut bassà non potè haver audientia; et notificato quanto havea e come se li mandava l'annua pension dil Zante etc. Qual disse la matina dovesse andar a la udientia de li bassà, che si facea Porta, et cussì andò prima tolto da Pantaleo Corese ducati 500 d'oro veniciani a cambio per portarli per la pension dil Zante, el qual liberalissime li [235] dete, offerendo più ancora se ne voleva, et li fece letere di cambio a pagar a Piero suo fratello de qui ducati 503 in oro, perché li tre andò in farsi far la cautione dil recever. Et cussì andato a la Porta a li signor bassà, notificò quanto li era stà per la Signoria nostra scrito, e di l'orator qual verà per mar, laudando la sua persona, poi presentò la pension. Tutti have piacer, et Embrai bassà disse la Signoria ha fato optima deliberation di mandar questo orator.
     
      Ancora el dito sier Andrea Griti scrisse a Zacharia di Freschi secretario nostro per enigma in questo modo: di merchadantie e investide non vi posso dir più di quello vi ho ditto; le sorte è come vi ho ditto per avanti; si se desisterà di precii vi darò aviso; vol dir il Signor continua in far l'armata.