Or tamen, che esso proveditor nel consulto contradixe a l'opinion dil ducha di levarsi, et che non si dovea far per honor di la Signoria; tamen fo terminato indusiar a doman per udir la opinion di chi erano absenti, maxime l'Alviano et Orsino. Scrivendo quella, inimici erano ussiti grossi di Popi et andati verso l'Averna, haveano fato gran forzo di provisionati et homeni comandati. Tamen, sapea questo esser focho di paja che non pol durar molto.
     
      Et perché dicte lettere venute questa matina erano di ogni parte necessarie di haverne bon consulto et tenirle secrete, né da niuna parte era di bon, nì da mar, nì de Franza, nì di campo, fo terminato dopo disnar redursi il principe con la Signoria e tutto il collegio, et etiam per parlar con li provedadori di le biave zercha formenti, etc.
     
      Da poi disnar, reduti tutti in collegio, et mandato fuora li savii ai ordeni justa il consueto, et sier Beneto Zustignam savio a terra ferma si cazoe voluntario per esser merchadante de formenti con li qual havia fato la soa richeza, introno nel collegio di le biave, era provedadori a le biave sier Zuam da Mosto, sier Marchiò Tiepolo et sier Jacopo da Canal, et parlato di un merchado porzea sier Andrea Loredam fo di sier Nicolò di far formenti di Sicilia stera 50 milia per tutto il mexe di ... in questa terra o dove volesse la Signoria nostra a lire 5 il stera havendo le sue cauzione etc. Et a la fin fo concluso.
     
      Et è da saper, acciò a li lectori non pari di novo, che li savii ai ordeni è oficio antichissimo e di gran autorità, stagino in tutti li secreti excepto quando intrano li cai di X, et che dil collegio di le biave siano cazati, et li cai di X restino a balotar con li altri [241] savii: la causa come intisi che a un tempo fo uno savio ai ordeni che manifestò un merchado di formenti voleva far la Signoria, adeo per quello spesero assa' danari, et fo terminato de caetero li savii ai ordeni non fusseno in ditto collegio di le biave; e cussì vien cazati.