Di campo di Bibiena di sier Piero Marzelo, di 15 a hore 12. Come quella matina el ducha era stato lì per far consulto, et esso ducha parloe la opiniom sua pur di levarsi etc. Et poi disse: acciò si cognosci la fede mia e voluntà bona verso la illustrissima Signoria, son contento intrar in Bibiena e star lì fino tempo nuovo e servar questo locho, et l'Alviano con esso proveditor andasse a star a l'Averna, et volea con lui la soa compagnia et 800 in 1000 boni provisionati et balestrieri a cavalo oltra le sue zente, et haver le page a tempo, acciò per manchamento de denari non seguisse qualche scandolo; et fo laudato da tutti i condutieri, con questo si tolesse prima tutti li formenti si poteva de li lochi lì atorno e meterli in Bibiena e Averna; et il signor Bortolo Alviano rispose esser contentissimo star a l'Averna, et che non potendo tuor questi formenti, si tolesse con le [244] squadre a modo di bataglia, e voria rehaver Cresi loco tolto per inimici per forza. Et come esso proveditor havia dato ducati 3000 a dito Alviano a bon conto per li provisionati dia far, et Jacomazo era alozato a Rasina con quel di Vilmerchà, havendo scrito a Marco di Rimano, che era in Castel Sochognano con la sua compagnia, dovesse far quello li diceva ditto Jacomazo ch'era sul fatto di star lì overo levarsi. El qual Marco si partì et vene a una fiumara che era grossa; et li compagni fono asaltati da li villani, parte morti, parte presi et parte anegati, et esso Marco era venuto lì in zipone, havi compagni 60 quasi tutti è perduti; et come havia scrito a uno altro contestabile era a Rasina per non meter in fuga nostri non si dovesse partir soto pena di la forcha.